ԵՐԵՎԱՆ, ԱՊՐԻԼԻ 9, 24News

Իսրայելի վարչապետ Բենյամին Նեթանյահուն հայտարարել է, որ հանձնարարել է կառավարությանը անհապաղ սկսել ուղիղ բանակցություններ Լիբանանի հետ։

Նրա խոսքով՝ որոշումը կայացվել է լիբանանյան կողմի բազմակի դիմումների պատասխանով։

Հաղորդվում է, թե քննարկման հիմնական թեմաներն են՝ «Հեզբոլլայի» ռազմական ներուժի վերացումը և երկկողմ հարաբերությունների կարգավորումը։

NBC News-ն էլ հայտնում է, որ ԱՄՆ նախագահ Դոնալդ Թրամփը խնդրել է Իսրայելի վարչապետ Բենիամին Նեթանյահուին նվազեցնել Լիբանանի վրա հարվածների թիվը։

Ամերիկյան վարչակազմի աղբյուրի տվյալներով՝ Թրամփը հեռախոսազրույց է ունեցել Նեթանյահուի հետ՝ փորձելով նպաստել Իրանի հետ բանակցությունների հաջողությանը։

Նշվում է, թե Թել Ավիվը համաձայնել է այս դիրքորոշման հետ և խոստացել է «լինել օգտակար գործընկեր»։