ԵՐԵՎԱՆ, ՕԳՈՍՏՈՍԻ 10, 24News

Իրանի արտգործնախարար Աբբաս Արաղչին անդրադարձել է Հայաստանի ու Ադրբեջանի միջև ստորագրված փաստաթղթերին, հայտնում է իրանական IRNA գործակալությունը:

«Հայաստանի և Ադրբեջանի  համատեղ հայտարարությունը ներառում է 3 սկզբունք՝ տարածաշրջանի երկրների ինքնիշխանության նկատմամբ հարգանք, տարածքային ամբողջականության նկատմամբ հարգանք և ընդդիմություն սահմանների ցանկացած փոփոխությանը։ Սրանք լիովին համապատասխանում են Իրանի դիրքորոշումներին։

Միջանցքի հարցը լիովին մի կողմ է դրվել, և խոսքը տարանցիկ ճանապարհի մասին է, որը կկառուցվի Հայաստանի ինքնիշխանության և իրավասության ներքո՝ այս երկրի տարածքում։ Այս նախագծի իրականացումը ամերիկա-հայկական ընկերությանն է, որը գրանցված է Հայաստանում և գործում է ՀՀ օրենքներով»,- ասել է նա։

–00—ՅՄ