ԵՐԵՎԱՆ, ՀՈՒԼԻՍԻ 5, 24News

Թուրքիայի նախագահ Ռեջեփ Էրդողանը Ռուսաստանին և Ադրբեջանին զսպվածություն ցուցաբերելու կոչ է արել։ Նա հայտարարել է, որ Անկարան ուշադիր հետևում է երկրների միջև առկա լարվածությանը:

Նրա խոսքով՝ իրավիճակը քննարկվել է Ադրբեջանի նախագահ Ալիևի հետ բանակցությունների ժամանակ․

«Մենք կարծում ենք, որ հարցը կարելի է ավելի հեշտ եւ խելամիտ լուծել՝ դիվանագիտական լարվածությունը թուլացնող հայտարարություններով։ Խնդրին պետք է մոտենալ չափավորության դիրքերից», – ասել է Էրդողանը, նրա խոսքը մեջբերում է Anadolu գործակալությունը։