ԵՐԵՎԱՆ, ՀՈՒՆԻՍԻ 7, 24News

«Հայաստան-Իրան ռազմավարական համագործակցության զարգացման կենտրոնի» հիմնադիր Պույա Հոսեյնին ֆեյսբուքյան իր էջում գրել է․

«Հսկայական հետախուզական հարված սիոնիստական ռեժիմին՝ Իրանի Իսլամական Հանրապետության հետախուզական ծառայությունների կողմից.

Իրանի պետական ​​հեռուստատեսություն.

«Իրանի Իսլամական Հանրապետության հետախուզական ծառայությունները օկուպացված տարածքներից (Իսրայելից) դուրս են բերել հսկայական քանակությամբ ռազմավարական և գաղտնի տեղեկություններ ու փաստաթղթեր, ներառյալ միջուկային ծրագրի պլաններն ու օբյեկտները։

Այս աղբյուրները հայտնել են, որ թեև նշված փաստաթղթերի ձեռքբերման գործողությունը տեղի է ունեցել որոշ ժամանակ առաջ, փաստաթղթերի հսկայական ծավալը և ամբողջ բեռի անվտանգ փոխադրումը երկիր պահանջել են տեղեկատվական լռություն՝ մինչև դրանց պաշտպանված վայրեր հասնելու լիակատար վստահությունը։

Իրազեկ աղբյուրները “Իրանի պետական ​​հեռուստատեսություն” հեռուստաալիքին հայտնել են, որ փաստաթղթերի քանակն այնքան մեծ է, որ նույնիսկ դրանց նախնական դիտումը, պատկերների և տեսանյութերի ուսումնասիրությունը զգալի ժամանակ է պահանջել»։

17 օր առաջ իսրայելական ներքին անվտանգության ծառայության («Շին Բեթ») և ոստիկանության հայտարարության մեջ բացահայտվել է, որ Ռոյ Մեզրախին և Ալմուգ Աթիասը՝ երկուսն էլ 24 տարեկան, հյուսիսային Նեշեր քաղաքի բնակիչներ, բերման են ենթարկվել՝ Իրանի օգտին անվտանգության հետ կապված հանցագործություններ կատարելու կասկածանքով։

Եթե այս անձանց ձերբակալությունը կապված է վերջին գործի հետ, ապա այն տեղի է ունեցել փաստաթղթերի խմբաքանակը օկուպացված տարածքներից դուրս բերելուց հետո»։

–00—ՍՊ