ԵՐԵՎԱՆ, ՓԵՏՐՎԱՐԻ 8, 24News

Թեհրանը պնդում է, որ ուրանը հարստացնելու իրավունք ունի, նույնիսկ եթե դա հանգեցնի պատերազմի։ Այս մասին հայտարարել է իսլամական հանրապետության արտաքին գործերի նախարար Աբբաս Արաղչին:

«Ինչո՞ւ էինք մենք այդքան պնդում և պնդում ենք ուրանի հարստացման հարցում և պատրաստ չենք հրաժարվել դրանից, նույնիսկ եթե մեզ պատերազմ պարտադրեն։ Որովհետև ոչ ոք իրավունք չունի մեզ ասել, թե մենք ինչ պետք է ունենանք և ինչ չպետք է ունենանք», -իրանցի նախարարի խոսքերը մեջբերվում են նրա պաշտոնական Telegram-ալիքում։

Նախարարը շեշտել է նաև, որ Իրանը շեշտը դնում է դիվանագիտության և բանակցությունների վրա։ «Եթե նրանք ընտրեն դիվանագիտությունը, մենք նույն ճանապարհով կանցնենք։ Եթե նրանք հարգալից խոսեն Իրանի ժողովրդի հետ, մենք հարգալից կպատասխանենք, բայց եթե նրանք օգտագործեն ուժի լեզու, մենք կպատասխանենք ուժով», – հայտարարել է Արաղչին։