ԵՐԵՎԱՆ, ՍԵՊՏԵՄԲԵՐԻ 19, 24News

ԱՄՆ նախագահ Դոնալդ Թրամփը շատ արդյունավետ է գնահատել Չինաստանի նախագահ Սի Ծինպինի հետ հեռախոսազրույցը։ «Արմենպրես»-ի հաղորդմամբ՝ նա այս մասին գրել է իր «Truth Social» սոցիալական հարթակում։

Թրամփի խոսքով՝ կողմերը քննարկել են մի շարք առանցքային հարցեր՝ առևտրային հարաբերություններ, ֆենտանիլի դեմ պայքար, Ռուսաստանի և Ուկրաինայի միջև պատերազմի դադարեցում, ինչպես նաև TikTok գործարքի հաստատում։

«Մենք պայմանավորվեցինք նախագահ Սիի հետ, որ կհանդիպենք Հարավային Կորեայում կայանալիք Ասիական և խաղաղօվկիանոսյան տնտեսական խորհրդի գագաթնաժողովին։ Ես կայցելեմ Չինաստան հաջորդ տարվա սկզբին, իսկ նախագահ Սին նույնպես կայցելի Միացյալ Նահանգներ համապատասխան պահին»,– գրել է Թրամփը։

Ավելին՝ սկզբնաղբյուրում։