ԵՐԵՎԱՆ, ՍԵՊՏԵՄԲԵՐԻ 16, 24News

ԱՄն պետքարտուղար Մարկո Ռուբիոն Իսրայելի վարչապետ Բենյամին Նեթանյահուին ասել է, որ Վաշինգտոնը աջակցում է Գազայի քաղաքում ցամաքային գործողությանը, բայց ցանկանում է, որ այն արագ իրականացվի և հնարավորինս շուտ ավարտվի, հայտնում է Axios-ը։

Ամերիկացի մի պաշտոնյա գործակալությանը հայտնել է, որ ԱՄՆ-ը չի պատրաստվում կանգնեցնել Իսրայելին և թույլ է տալիս նրան սեփական որոշում կայացնել Գազայի հատվածում հակամարտության վերաբերյալ:

 Իսրայելը Գազայի քաղաքը զանգվածային ռմբակոծությունների է ենթարկել։ Ինչպես ավելի ուշ հայտնել են Jerusalem Post-ը և Axios-ը, բանակն արդեն ցամաքային հարձակում է սկսել՝ նպատակ ունենալով գրավել ամբողջ քաղաքը:
—00—ՍՊ