ԵՐԵՎԱՆ, ՕԳՈՍՏՈՍԻ 31, 24News

Ռուսաստանի նախագահ Վլադիմիր Պուտինը ժամանել է Շանհայի համագործակցության կազմակերպության (ՇՀԿ) գագաթնաժողովի հարթակ: Նրան անձամբ դիմավորել է Չինաստանի Ժողովրդական Հանրապետության ղեկավար Սի Ցզինպինը տիկնոջ՝ Պեն Լիյուանի հետ, հայտնում է Կրեմլի մամուլի ծառայությունը։

Պաշտոնական ծրագիրը կմեկնարկի վաղը՝ սեպտեմբերի 1-ին, Սի Ցզինպինի կողմից ՇՀԿ անդամ պետությունների գործընկերներին ողջունելու արարողությամբ: Դրանից հետո տեղի կունենա ՇՀԿ անդամ պետությունների ղեկավարների խորհրդի նիստը։Կքննարկվեն միավորման ամրապնդման, դրա անհրաժեշտ արդիականացման, քաղաքականության, անվտանգության, տնտեսության եւ հումանիտար կապերի ոլորտներում համագործակցության առաջմղման հարցերը, արդիական միջազգային խնդիրներ:

Առաջնորդների հաստատմանը կներկայացվի շուրջ 20 փաստաթուղթ։

–00—ՍՊ