ԵՐԵՎԱՆ, ՕԳՈՍՏՈՍԻ 30, 24News

ԵՄ արտաքին գործերի նախարարները դեռևս որևէ գործնական որոշում չեն կայացրել հակառուսական պատժամիջոցների 19-րդ փաթեթի վերաբերյալ, և քննարկումը կշարունակվի հաջորդ շաբաթ։ Այս մասին հայտնել է ԵՄ արտաքին գործերի և անվտանգության քաղաքականության գերագույն ներկայացուցիչ Կայա Կալասը Կոպենհագենում նախարարների ոչ պաշտոնական հանդիպումից հետո։

«Մենք շատ ինտենսիվ քննարկում ունեցանք պատժամիջոցների 19-րդ փաթեթի վերաբերյալ, քննարկեցինք «ստվերային նավատորմի» դեմ սահմանափակումները, ռուսական բանկային և էներգետիկ հատվածների դեմ երկրորդական պատժամիջոցները, ինչպես նաև առևտրային սակագները և այլ սահմանափակումներ։ Հաջորդ շաբաթ ես նոր առաջարկներ կներկայացնեմ ԵՄ երկրներին», – ասել է նա։

Նա պարզաբանել է, որ նախարարական հանդիպմանը մասնակցած բրիտանացիները «հեղինակել են կրիպտոարժույթներով հաշվարկները պատժամիջոցներ կիրառելու գաղափարը»։ «Ես չգիտեմ, թե ինչպես դա անել գործնականում, բայց մենք պետք է ուսումնասիրենք բոլոր տարբերակները», – ասել է Կալասը։ Նրա տարբերակի համաձայն՝ Մոսկվան, իբր, «փորձում է ժամանակ շահել», այդ պատճառով Բրյուսելը Ռուսաստանի վրա ճնշումը մեծացնելու քաղաքականությունը համարում է արդյունավետ։

–00—ՅՄ