ԵՐԵՎԱՆ, ՕԳՈՍՏՈՍԻ 28, 24News

Եվրոպական հանձնաժողովի նախագահ Ուրսուլա ֆոն դեր Լայենը զանգահարել է ԱՄՆ նախագահ Դոնալդ Թրամփին և պատմել երեկ երեկոյան Կիևում տեղի ունեցած պայթյուններից հետո ԵՄ առաքելության շենքին հասցված վնասի մասին։ Նա այս մասին գրել է X-ում։

«Ես խոսել եմ Վլադիմիր Զելենսկու և ԱՄՆ նախագահի հետ Կիևի վրա կատարված զանգվածային հարձակման մասին, որը հարվածել է նաև մեր առաքելությանը Կիևում», – գրել է ֆոն դեր Լայենը։ Նա նաև կրկնել է, որ ԵՄ-ն մտադիր է «ստեղծել ամուր երաշխիքներ Ուկրաինայի անվտանգության համար»։

Ավելի վաղ Եվրոպական հանձնաժողովը հայտնել էր, որ գիշերը Կիևում ԵՄ առաքելության մոտ երկու պայթյուն է տեղի ունեցել, ապակիները կոտրվել են, առաստաղը փլուզվել է, ոչ ոք չի տուժել։

–00—ՅՄ