ԵՐԵՎԱՆ, ՕԳՈՍՏՈՍԻ 27, 24News

ՄԱԳԱՏԷ-ի գլխավոր տնօրեն Ռաֆայել Գրոսին Վաշինգտոնում հանդիպել է ԱՄՆ պետքարտուղար Մարկո Ռուբիոյի հետ՝ նշելով այդ հանդիպման կարևորությունն ու արդիականությունը։

Հանդիպման ընթացքում կողմերը քննարկել են ՄԱԳԱՏԷ-ի գործունեությունն Իրանում և Ուկրաինայում, ինչպես նաև միջուկային նորարարությունների ոլորտում ԱՄՆ-ի և գործակալության համագործակցության ընդլայնման հնարավորությունները:

«Այսօր Վաշինգտոնում պետքարտուղար Մարկո Ռուբիոյի հետ կարծիքներ փոխանակեցինք Իրանում և Ուկրաինայում ՄԱԳԱՏԷ-ի աշխատանքի և միջուկային նորարարությունների ոլորտում ԱՄՆ-ի և ՄԱԳԱՏԷ-ի համագործակցության ամրապնդման հարցերի շուրջ։ Շնորհակալ ենք խաղաղության հաստատման մեր առաքելությանը ԱՄՆ-ի շարունակական աջակցության համար»,- գրել է նա՝ X-ում։

–00—ՍՊ