ԵՐԵՎԱՆ, ՕԳՈՍՏՈՍԻ 26, 24News

Կորեայի Հանրապետության նախագահ Լի Չժե Մյոնը դրական է գնահատել  ԱՄՆ նախագահ Դոնալդ Թրամփի հետ բանակցությունների արդյունքները: «Արմենպրես»-ի փոխանցմամբ՝ Հարավային Կորեայի նախագահն այդ մասին հայտարարել է Ռազմավարական և միջազգային հետազոտությունների կենտրոնում (CSIS) կայացած համաժողովում:

«Իմ հանդիպումը նախագահ Թրամփի հետ գերազանցեց սպասումները: Լավ զրույց ունեցանք, մենք բարձրացրինք փոխըմբռնման մակարդակը», – ասել է Լի Չժե Մյոնը:

Հարավային Կորեայի ղեկավարի խոսքով՝ Սպիտակ տանը բանակցությունները տևել են նախատեսվածից ավելի երկար: «Արդյունքները եղել են շատ լավ», – ամփոփել է նախագահը:

Լի Չժե Մյոնը Հարավային Կորեայի առաջին նախագահն է, որն իր առաջին արտասահմանյան ուղևորության վայր է ընտրել ոչ թե ԱՄՆ-ն, այլ Ճապոնիան:

–00—ՅՄ