ԵՐԵՎԱՆ, ՕԳՈՍՏՈՍԻ 24, 24News

Ռուսաստանը ճկունություն է ցուցաբերում Ուկրաինայի հակամարտության կարգավորման բանակցություններում, Միացյալ Նահանգները բարի կամքով է վարում բանակցային գործընթացը։ Այս մասին հայտարարել է ԱՄՆ փոխնախագահ Ջ.Դ. Վենսը։

«Ոչ, դա բացարձակապես այդպես չէ», – ասել է նա NBC News-ին տված հարցազրույցում՝ պատասխանելով այն հարցին, թե արդյոք Ռուսաստանը մոլորության մեջ է գցում Միացյալ Նահանգներին։ «Ես կարծում եմ, որ Ռուսաստանը զգալի զիջումներ է արել նախագահ Թրամփին։ Իրականում, երեքուկես տարվա ընթացքում առաջին անգամ նրանք ճկունություն են ցուցաբերել իրենց հիմնական պահանջներում»։

«Մենք փորձում ենք որքան հնարավոր է շատ բանակցել և՛ ռուսների, և՛ ուկրաինացիների հետ՝ արյունահեղությունը դադարեցնելու համար», – նշել է նա։

–00—ՅՄ