ԵՐԵՎԱՆ, ՕԳՈՍՏՈՍԻ 11, 24News

Տեղի է ունեցել վարչապետ Նիկոլ Փաշինյանի հեռախոսազրույցը Ռուսաստանի Դաշնության նախագահ Վլադիմիր Պուտինի հետ։

Պուտինը Փաշինյանին պատմել է Ուիթկոֆի հետ զրույցի հիմնական արդյունքների և Ալյասկայում Թրամփի հետ հանդիպման նախապատրաստման մասին։ Այս մասին հայտնել է Կրեմլը։

Փաշինյանն իր հերթին ողջունել է ուկրաինական ճգնաժամի խաղաղ կարգավորմանն ուղղված քայլերը։

Հիշեցնենք, որ ՀՀ վարչապետը ՌԴ նախագահին ներկայացրել է ս/թ օգոստոսի 8-ին ԱՄՆ մայրաքաղաք Վաշիգնտոնում տեղի ունեցած բանակցությունների արդյունքները, մասնավորապես «Հայաստանի և Ադրբեջանի միջև խաղաղության և միջպետական հարաբերությունների մասին համաձայնագրի» նախաստորագրումը։

—00—ՄԱ