ԵՐԵՎԱՆ, ՕԳՈՍՏՈՍԻ 10, 24News

Իսրայելի նպատակը Գազայի հատվածի օկուպացիան չէ, այլ պաղեստինյան անկլավն ազատագրել արմատական ՀԱՄԱՍ շարժումից, մամուլի ասուլիսի ժամանակ հայտարարել է հրեական պետության վարչապետ Բենիամին Նեթանյահուն։

«Պատերազմը կարող է վաղը ավարտվել, եթե ՀԱՄԱՍ-ը զենքը վայր դնի և ազատ արձակի մնացած բոլոր պատանդներին», – հավելել է նա՝ նշելով, որ արմատականները հրաժարվում են դա անել։

Միևնույն ժամանակ, ըստ Իսրայելի վարչապետի, Գազան ապառազմականացվելու է։ «Իսրայելը պատասխանատու կլինի անվտանգության համար, և Գազա-Իսրայել սահմանին կստեղծվի անվտանգության գոտի՝ ապագա ահաբեկչական ներխուժումները կանխելու համար, կստեղծվի քաղաքացիական վարչակազմ, որը կձգտի խաղաղ ապրել Իսրայելի հետ, շարունակել է Նեթանյահուն՝ նշելով, որ սա է ՀԱՄԱՍ-ի հեռանալուց հետո օրվա ծրագիրը։

–00—ՅՄ