ԵՐԵՎԱՆ, ՕԳՈՍՏՈՍԻ 7, 24News

Իսրայելի վարչապետ Բենիամին Նեթանյահուն հայտարարել է, որ Իսրայելը մտադիր չէ վերահսկել Գազայի հատվածը և ցանկանում է տարածքի վերահսկողությունը հանձնել արաբական ուժերին։

«Մենք չենք ուզում կառավարել այն (Գազայի հատվածը): Մենք ուզում ենք այն հանձնել արաբական ուժերին, որոնք կկառավարեն այն պատշաճ կերպով՝ առանց մեզ սպառնալու, և կկարողանան լավ կյանք ապահովել Գազայի ժողովրդի համար», – ասել է Նեթանյահուն Fox News-ին տված հարցազրույցում:

Նա ընդգծել է, որ Իսրայելը չի վերահսկել Գազայի հատվածը, բայց մտադիր է ապահովել «անվտանգության գիծ»: Նեթանյահուն հավելել է, որ նման ծրագիրը «անհնար է ՀԱՄԱՍ-ի օրոք»:

–00—ՅՄ