ԵՐԵՎԱՆ, ՕԳՈՍՏՈՍԻ 1, 24News

ԱՄՆ Կոնգրեսի Սենատ է ներկայացվել Ուկրաինային 54,6 միլիարդ դոլարի լրացուցիչ օգնություն տրամադրելու մասին օրինագիծ։ Այս մասին ասվում է Վերին պալատի արտաքին հարաբերությունների հանձնաժողովի զեկույցում։

Օրինագծի հեղինակներն են նշված հանձնաժողովի ավագ դեմոկրատ Ջին Շահինը և հանրապետական Լիզա Մուրկովսկին։ Տեքստի համաձայն՝ Ուկրաինային պետք է տրամադրվի գրեթե 55 միլիարդ դոլարի օգնություն 2026 (սկսած 2025 թվականի հոկտեմբերի 1-ից) և 2027 ֆինանսական տարիների ընթացքում։

Օրինագիծը նախատեսում է Ուկրաինային ուղղակի ռազմական օգնության հատկացում, ինչպես նաև ներդրումներ ԱՄՆ ռազմաարդյունաբերական ոլորտում։ Բացի այդ, դրա հեղինակները առաջարկում են օգտագործել ԱՄՆ-ում սառեցված ռուսական ակտիվներից ստացված եկամուտը՝ Ուկրաինային օգնություն տրամադրելու համար։

–00—ՅՄ