ԵՐԵՎԱՆ, ՀՈՒԼԻՍԻ 31, 24News

Սպիտակ տան մամուլի քարտուղար Քերոլին Լևիթը հինգշաբթի օրը հայտարարել է, որ ԱՄՆ հատուկ բանագնաց Սթիվ Ուիթքոֆը և դեսպան Մայք Հաքաբին օգոստոսի 1-ին կմեկնեն Գազա՝ մարդասիրական օգնության մատակարարման իրավիճակը գնահատելու համար։

«Վաղը հատուկ բանագնաց Ուիթքոֆը և դեսպան Հաքաբին կայցելեն Գազա՝ առկա բաշխման կետերը ստուգելու և սննդի մատակարարման ծրագիրը համակարգելու, ինչպես նաև տեղի բնակիչների հետ հանդիպելու՝ տեղում տիրող ծանր իրավիճակին անմիջականորեն ծանոթանալու համար», – ասել է նա ճեպազրույցի ժամանակ։

Լևիթը նշել է, որ ԱՄՆ-ն հանձնառու է ապահովել մարդասիրական օգնության շարունակական մատակարարումը տարածաշրջան։

–00—ՅՄ