ԵՐԵՎԱՆ, ՀՈՒԼԻՍԻ 29, 24News

Գերմանիան երկու ռազմական տրանսպորտային ինքնաթիռ է ուղարկել Հորդանան՝ մասնակցելու Գազայի հատվածին օդային ճանապարհով մարդասիրական օգնություն հասցնելու առաքելությանը։ Այս մասին Բեռլինում հայտարարել է Գերմանիայի կանցլեր Ֆրիդրիխ Մերցը՝ Հորդանանի թագավոր Աբդուլլահ II-ի հետ համատեղ մամուլի ասուլիսում։

«Այս պահին, երկու ռազմական տրանսպորտային A400M ինքնաթիռներ օդում են՝ Հորդանան գնալու ճանապարհին։ Այնտեղ դրանք կհագեցվեն և կլիցքավորվեն, որպեսզի ամենաուշը շաբաթվա վերջին, հնարավոր է՝ արդեն վաղը, կարողանան մեկնել համապատասխան առաքելությունների», – ասել է նա՝ շնորհակալություն հայտնելով թագավորին անկլավի համար «օդային կամուրջ» ստեղծելու հնարավորության համար։

Մերցը նշել է, որ նման քայլը ձեռնարկվում է Իսրայելի կառավարության, ինչպես նաև Ֆրանսիայի և Մեծ Բրիտանիայի հետ համակարգված։

–00—ՅՄ