ԵՐԵՎԱՆ, ՀՈՒԼԻՍԻ 26, 24News

Իրանի անվտանգության ուժերը չեզոքացրել են հարավարևելյան Սիստան և Բելուջիստան նահանգի Զահեդան քաղաքի դատական վարչության դեմ հարձակում իրականացրած 3 անձանց։ «Արմենպրես»-ի հաղորդմամբ՝ այս մասին հայտնում է իրանական Mehr գործակալությունը։

Նշվում է, որ տեղում աշխատում են նաև փրկարարները և շտապօգնությունը՝ դուրս բերելով տուժածներին դատարանի շենքից։

Ավելի վաղ Tasnim գործակալությունը հայտնել էր, որ տեղի ունեցած հարձակման հետևանքով մահացել է 5, վիրավորվել՝ 13 մարդ։

–00—ՅՄ