ԵՐԵՎԱՆ, ՀՈՒԼԻՍԻ 20, 24News

Իսրայելի վարչապետ Բենիամին Նեթանյահուն հուլիսի 20-ի գիշերը իրեն վատ է զգացել, և զննումից հետո բժիշկները պարզել են, որ նա աղիքային բորբոքում ունի։ Այս մասին հայտնել է վարչապետի գրասենյակը։

Ըստ հայտարարության՝ հիվանդության պատճառը «փչացած սնունդ ուտելն» է։ «Լրացուցիչ ստուգումներից հետո վարչապետի վիճակը լավ է գնահատվել։ Նա այժմ ներերակային բուժում է ստանում՝ հիվանդության հետ կապված ջրազրկման հետևանքով կորցրած հեղուկը լրացնելու համար», – նշվում է տեքստում։

Բժիշկների ցուցումների համաձայն՝ Նեթանյահուն հաջորդ երեք օրերը կանցկացնի տանը և այնտեղից կշարունակի կառավարել պետական գործերը, հայտնել է գրասենյակը։

–00—ՅՄ