ԵՐԵՎԱՆ, ՀՈՒԼԻՍԻ 20, 24News

Ռուսաստանի նախագահի մամուլի քարտուղար Դմիտրի Պեսկովը, խոսելով Եվրոպայում Ուկրաինային զենք մատակարարելու հարցի շուրջ տիրող տրամադրությունների մասին, նշել է, որ այն շատ վտանգավոր միտում է, որը Ռուսաստանը հաշվի է առնում և դրա հիման վրա կազմում է իր ծրագրերը։

«Միտումը, ընդհանուր առմամբ, իհարկե, շատ վատ է և շատ վտանգավոր։ Եվ մենք տեսնում ենք սա, հաշվի ենք առնում սա և ելնում ենք դրանից՝ կազմելով մեր հետագա ծրագրերը», – ասել է Պեսկովը։

Ինչպես նշել է Ռուսաստանի նախագահի մամուլի քարտուղարը, մի շարք արևմտյան երկրներ կենտրոնացված մասնագիտական աշխատանք են տանում Ռուսաստանը «որպես դժոխքի աղբյուր» ներկայացնելու համար՝ թե՛ իրենց երկրներում, թե՛ արտասահմանում։

–00—ՅՄ