ԵՐԵՎԱՆ, ՀՈՒԼԻՍԻ 20, 24News

Անցած գիշերվա ընթացքում հերթապահության մեջ գտնվող ՌԴ ՀՕՊ համակարգերը որսացել և ոչնչացրել են ուկրաինական 93 անօդաչու թռչող սարք, որոնց մեծ մասը գտնվել են Բրյանսկի տարածքում, հայտնում է Ռուսաստանի պաշտպանության նախարարությունը։

«Անցած գիշերվա ընթացքում ՀՕՊ համակարգերը որսացել և ոչնչացրել են ուկրաինական 93 անօդաչու թռչող սարք։ Բրյանսկի տարածքում 38, Մոսկվայի մարզի տարածքում 19, այդ թվում՝ 16 անօդաչու թռչող սարք դեպի Մոսկվա, Կալուգայի տարածքում՝ 11, Տուլայի տարածքում՝ 8, Օրյոլի և Նիժնի Նովգորոդի տարածքում՝ 5, Սև ծովի ջրերի վրա՝ 3, Կուրսկի տարածքում՝ 2, իսկ Բելգորոդի և Ռյազանի տարածքում՝ մեկ անօդաչու թռչող սարք», – ասվում է հաղորդագրության մեջ։

–00—ՅՄ