ԵՐԵՎԱՆ, ՀՈՒԼԻՍԻ 9, 24News

Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովայի հուլիսի 9-ին կայացած ճեպազրույցի ժամանակ լսվող զգալի ֆոնային աղմուկը կապված էր Արտաքին գործերի նախարարության առաջին մասնաշենքում տեղի ունեցած վթարի հետ, որը հանգեցրել է հրդեհաշիջման համակարգերի ակտիվացմանը:

«Արմենպրես»-ի փոխանցմամբ՝ այս մասին ՏԱՍՍ-ին հայտնել է Ռուսաստանի արտաքին գործերի նախարարության շենքերի շահագործման վարչության աղբյուրը։

«Տեղի է ունեցել վթար, որը հանգեցրել է Արտաքին գործերի նախարարության առաջին մասնաշենքի նկուղում հեղեղման, որից հետո ակտիվացել են շենքի հրդեհաշիջման համակարգերը», – ասել է աղբյուրը։

Առցանց կոնֆերանսի ձևաչափով ճեպազրույցի ժամանակ լրագրողները ուշադրություն են հրավիրել կուլիսներում առաջացած արտաքին աղմուկի վրա, որը տևել է մոտ 20 րոպե։

–00—ՅՄ