ԵՐԵՎԱՆ, ՀՈՒԼԻՍԻ 8, 24News

Իրանի արտաքին գործերի նախարարության պաշտոնական ներկայացուցիչ Էսմաիլ Բաղաին հերքել է Միացյալ Նահանգների նախագահ Դոնալդ Թրամփի հայտարարությունն այն մասին, թե իրանական կողմը հանդիպում է խնդրել ամերիկյան կողմի հետ։

«Մեր կողմից որևէ հարցում չի եղել ամերիկյան կողմի հետ հանդիպման վերաբերյալ»,- «Արմենպրես»-ի փոխանցմամբ, այս մասին Բաղաին ասել է Իրանի պետական հեռուստառադիոընկերությանը։

Ավելի վաղ Միացյալ Նահանգների ղեկավարը հայտարարել էր, թե իրանական կողմը հանդիպում է խնդրել։ Թրամփի հատուկ բանագնաց Սթիվեն Ուիթքոֆն էլ լրագրողներին հայտնել էր, որ հանդիպումը կարող է կայանալ արդեն հաջորդ շաբաթ։