ԵՐԵՎԱՆ, ՀՈՒԼԻՍԻ 6, 24News

Իսրայելի զինված ուժերը Գազայի հատվածի հյուսիսում սպանել են «ՀԱՄԱՍ»-ի ռազմածովային ուժերի հրամանատարին, կիրակի օրը հայտնել է Իսրայելի պաշտպանության ուժերի մամուլի քարտուղարը։

«Հետախուզական տվյալների հիման վրա, հարվածել և սպանել է ահաբեկիչ Ռամզի Ռամդան Աբեդ Ալի Սալեհին, որը «ՀԱՄԱՍ»-ի ռազմածովային ստորաբաժանման հրամանատարն էր Գազայի հատվածի հյուսիսում», – ասվում է հայտարարության մեջ։

Զինվորականների տվյալներով՝ հրամանատարի հետ մեկտեղ հարվածի հետևանքով սպանվել են «ՀԱՄԱՍ»-ի ևս մի քանի զինյալներ, այդ թվում՝ «ՀԱՄԱՍ»-ի ականանետային ստորաբաժանման հրամանատարի տեղակալ Հիշամ Մանսուրը և ականանետային ստորաբաժանման զինյալ Նասիմ Սաբհան։

–00—ՅՄ