ԵՐԵՎԱՆ, ՀՈՒՆԻՍԻ 27, 24News

Ռուսաստանի Դաշնության պաշտպանության նախարարությունը հայտնել է Մոսկվայի ու Կիևի միջև ռազմագերիների փոխանակում իրականացնելու մասին։

«Արմենպրես»-ի հաղորդմամբ՝ այս մասին հայտնում է ՏԱՍՍ-ը՝ մեջբերելով ՌԴ պաշտպանության նախարարության տարածած հաղորդագրությունը։

«Համաձայն այս տարվա հունիսի 2-ին Ստամբուլում ձեռք բերված ռուս-ուկրաինական պայմանավորվածությունների՝ Կիևի ռեժիմի կողմից վերահսկվող տարածքից վերադարձվեց ռուս զինծառայողների ևս մեկ խումբ։ Դրա դիմաց Ուկրաինայի զինված ուժերի ռազմագերիների խումբ է փոխանցվել»,- հայտնել է գերատեսչությունը։

Նշվում է, որ ներկայում ռուս զինծառայողները գտնվում են Բելառուսում, որտեղ նրանք ստանում են անհրաժեշտ հոգեբանական և բժշկական օգնություն։

Ավելին՝ սկզբնաղբյուրում։

–00—ՍՊ