ԵՐԵՎԱՆ, ՀՈՒՆԻՍԻ 25, 24News

Իրանը դադարեցրել է պատասխան հարվածներ հասցնել Իսրայելին հրեական պետության կողմից ագրեսիայի դադարեցումից հետո՝ չստորագրելով ոչ մի համաձայնագիր մարտական գործողությունների դադարեցման վերաբերյալ: «Արմենպրես»-ի փոխանցմամբ՝ այս մասին հայտարարել է իսլամական հանրապետության արտաքին գործերի փոխնախարար Սայիդ Խաթիբզադեն:

«Մենք ոչ մի գրավոր համաձայնագիր չենք ունեցել սիոնիստական վարչակարգի հետ, որը բովանդակեր որևիցե կետ: Այն, ինչ տեղի է ունեցել, եղել է ագրեսիայի դադարեցում սիոնիստների կողմից, և դրան զուգահեռ Իրանը, պահպանելով պատրաստականությունը, չի իրականացնի ոչ մի գրոհ», – մեջբերում է նրա խոսքը Mehr գործակալությունը:

–00—ՅՄ