ԵՐԵՎԱՆ, ՀՈՒՆԻՍԻ 15, 24News

Թուրքիայի և Ռուսաստանի արտգործնախարարներ Հաքան Ֆիդանը և Սերգեյ Լավրովը հեռախոսազրույց են ունեցել և քննարկել Իսրայելի և Իրանի միջև հակամարտությունը, ՌԻԱ Նովոստիին հայտնել է Թուրքիայի արտգործնախարարության աղբյուրը։

«Այսօր Թուրքիայի արտգործնախարար Հաքան Ֆիդանը հեռախոսազրույց է ունեցել Ռուսաստանի արտգործնախարար Սերգեյ Լավրովի հետ։ Զրույցի ընթացքում քննարկվել է Իսրայելի և Իրանի միջև հակամարտությունը, ինչպես նաև այս լարվածության հնարավոր գլոբալ և տարածաշրջանային հետևանքները», – ասել է գործակալության աղբյուրը։

Նրա խոսքով՝ Թուրքիայի արտգործնախարարը հայտարարել է, որ հակամարտությունը կարող է ավարտվել միայն դիվանագիտական ​​ճանապարհով։

–00—ՅՄ