ԵՐԵՎԱՆ, ՀՈՒՆԻՍԻ 13, 24News

Գերմանիայի կառավարությունը նախապես տեղեկացվել էր Իրանի վրա պատրաստվող իսրայելական գրոհի մասին: «Արմենպրես»-ի փոխանցմամբ՝ այս մասին գրել է Der Spiegel-ը։

Հրատարակության տեղեկատվության համաձայն՝ Գերմանիայի կանցլեր Ֆրիդրիխ Մերցին տեղեկացրել են իսրայելական հարվածների մասին Կենտրոնական Եվրոպայի ժամանակով մոտավորապես 02:30-ին:

Այնուհետև, մոտավորապես 04:00-ին Իսրայելի վարչապետ Բենիամին Նեթանյահուն հեռախոսով կապ է հաստատել Գերմանիայի կանցլերի հետ:

Ավելի վաղ Der Spiegel-ը հաղորդել էր, որ Մերցը Նեթանյահուի հետ հեռախոսազրույց է ունեցել Կենտրոնական Եվրոպայի ժամանակով 02:30-ին: Ավելի ուշ ամսագիրն ուղղել է այս տեղեկատվությունը։ԱՄՆ նախագահ Դոնալդ Թրամփը նույնպես տեղյակ է եղել հարձակման մասին, և դա նրա համար անակնկալ չի եղել։