ԵՐԵՎԱՆ, ՀՈՒՆԻՍԻ 7, 24News

Ռուսական կողմը լիովին պատրաստ է իրականացնել Ստամբուլի պայմանավորվածությունները, պատրաստ է Կիևին հանձնել Ուկրաինայի զինված ուժերի բոլոր զինվորների մարմինները և փոխանակում իրականացնել սահմանված բանաձևի համաձայն, հայտնել է Ռուսաստանի պաշտպանության նախարարությունը։

«Ես հաստատում եմ, որ մենք լիովին պատրաստ ենք իրականացնել Ստամբուլում ձեռք բերված պայմանավորվածությունները։ Մենք պատրաստ ենք հանձնել բոլոր մարմինները, ինչպես նաև իրականացնել ռազմագերիների փոխանակում սահմանված բանաձևի համաձայն», – ասել է ռուսական բանակցային խմբի ներկայացուցիչ, գեներալ-լեյտենանտ Ալեքսանդր Զորինը, որի խոսքերը մեջբերվում են Ռուսաստանի պաշտպանության նախարարության հաղորդագրության մեջ։

–00—ՅՄ