ԵՐԵՎԱՆ, ՀՈՒՆԻՍԻ 6, 24News

Ատոմային Էներգիայի միջազգային գործակալությունը հայտարարել է Զապորոժիեի ատոմակայանում մի շարք պայթյունների մասին: Ինչպես հիշեցրել է ՄԱԳԱՏԷ-ի մամուլի ծառայությունը, նման բան տեղի է ունենում արդեն չորրորդ անգամ՝ 2025 թվականի սկզբից ի վեր։

ԱԷԿ-ում աշխատող ՄԱԳԱՏԷ-ի դիտորդները հայտնել են, որ հունիսի 5-ին ժամը 11:30-ից 13:45-ն ընկած ժամանակահատվածում առնվազն հինգ պայթյուն են լսել, որոնցից յուրաքանչյուրին նախորդել է հրաձգությունը: Դրանից հետո կրակոցները լսվել են ժամը 14:00-ի սահմաններում: Նախնական տվյալներով՝ խոսքը ԱԹՍ-ների չեզոքացման մասին էր։ Ատոմակայանում որևէ վնասի մասին տեղեկություն չի հաղորդվում։