Ռուսաստանն ու Ուկրաինան համաձայնության են եկել բանակցությունների հաջորդ փուլի շուրջ, Թուրքիան սպասում է հանդիպման: Այդ մասին TRT Haber-ին տված հարցազրույցում հայտարարել է Թուրքիայի ԱԳ նախարար Հաքան Ֆիդանը:

Հիշեցնենք՝ Ռուսաստանի նախագահ Վլադիմիր Պուտինն առաջարկել է Ուկրաինային վերսկսել առանց նախապայմանների ուղիղ բանակցությունները Ստամբուլում մայիսի 15-ին: Ինչպես հայտարարել է ՌԴ նախագահի մամուլի քարտուղար Դմիտրի Պեսկովը, Ուկրաինայի հետ առաջարկվող բանակցությունների նպատակը հակամարտության արմատական պատճառների վերացումն ու Ռուսաստանի շահերի ապահովումն է:

–00—ՍՊ