ԵՐԵՎԱՆ, ՀՈՒՆԻՍԻ 2, 24News

Ստամբուլում ավարտվել է ռուս-ուկրաինական բանակցությունների երկրորդ փուլը։ Այս մասին հայտնում է ՌԻԱ Նովոստին։

«Բանակցությունները տևել են ավելի քան մեկ ժամ և ընթացել են ռուսերենով»,- նշում է գործակալությունը` հղում անելով իր աղբյուրներին։

Թուրքիայի արտգործնախարար Հաքան Ֆիդանն ավելի վաղ հայտնել էր, որ Ստամբուլում բանակցությունների երկրորդ փուլում նախատեսում են քննարկել հրադադարի պայմանները և գերիների ու քաղաքացիական անձանց փոխանակումը, ինչպես նաև ղեկավարների հանդիպման հարցը։

–00—ՅՄ