ՌԴ Բրյանսկի մարզում մարդատար գնացքի վրա կամրջի փլուզման հետևանքով տուժածների թիվը հասել է 97-ի, հայտնում է ՌԻԱ Նովոստին՝ հղում անելով արտակարգ ծառայությունների ներկայացուցչին:

Նշվում է, որ դեռ հիվանդանոցներում են 64 մարդ, այդ թվում՝ 4 երեխա:

Հունիսի 1-ի գիշերը ՌԴ Բրյանսկի մարզի Վիգոնիչի շրջանում ավտոմոբիլային կամուրջ է փլուզվել: Բեկորներն ընկել են կամրջի տակով անցնող Կլիմով-Մոսկվա թիվ 86 ուղևորատար գնացքի վրա, լոկոմոտիվն ու վագոնները ռելսերից դուրս են եկել։

Յոթ մարդ մահացել է, տասնյակ մարդիկ վնասվածքներ են ստացել։