ԵՐԵՎԱՆ, ՀՈՒՆԻՍԻ 1, 24News

Ստամբուլում կայանալիք բանակցություններում ուկրաինական պատվիրակությունը կրկին կգլխավորի Ուկրաինայի պաշտպանության նախարար Ռուստեմ Ումերովը։ Այս մասին հայտարարել է Վլադիմիր Զելենսկին։

«Ես լսեցի Ուկրաինայի պաշտպանության նախարարի, արտաքին գործերի նախարարի, գլխավոր շտաբի, հետախուզության և Ուկրաինայի անվտանգության ծառայության զեկույցները», – գրել է նա։

Զելենսկու խոսքով՝ պատվիրակությունը նախատեսում է քննարկել բազմաթիվ հարցեր, այդ թվում՝ հրադադարի և գերիների ազատ արձակման հարցերը։ «Երկուշաբթի օրը մեր պատվիրակությունը կգլխավորի Ռուստեմ Ումերովը», – եզրափակել է Զելենսկին։

–00—ՅՄ