ԵՐԵՎԱՆ, ՄԱՅԻՍԻ 31, 24News

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ուկրաինայի նախագահ Վլադիմիր Զելենսկու հետ, որի ընթացքում քննարկել է Ռուսաստանի Դաշնության հետ բանակցությունների հաջորդ փուլը Ստամբուլում անցկացնելու հնարավորությունը։

Էրդողանը կոչ է արել հանդիպումներ անցկացնել առաջնորդների մակարդակով պատվիրակությունների միջև բանակցություններից հետո։

Նրանք նաև քննարկել են Ուկրաինայի, Ռուսաստանի, Թուրքիայի և Միացյալ Նահանգների ղեկավարների մակարդակով քառակողմ հանդիպում կազմակերպելու հնարավորությունը։

Կողմերը քննարկել են նաև երկկողմ հարաբերությունները, տարածաշրջանային և համաշխարհային գործընթացները։

Էրդողանը նշել է, որ Թուրքիան կշարունակի ջանքերը՝ Ուկրաինայի և Ռուսաստանի միջև արդար և կայուն խաղաղություն ապահովելու համար, և որ իր երկիրը կողմ է երկու երկրների պատվիրակությունների միջև Ստամբուլում սկսված բանակցությունների շարունակմանը։

Թուրքիայի նախագահը նաև նշել է, որ Ստամբուլում նախատեսված բանակցությունների երկրորդ փուլում հնարավոր հրադադարի քննարկումը կհարթի խաղաղության ճանապարհը։

–00—ՅՄ