ԵՐԵՎԱՆ, ՄԱՅԻՍԻ 31, 24News

ԱՄՆ Սննդի և դեղերի վարչությունը հաստատել է Moderna կենսատեխնոլոգիական ընկերության նոր COVID-19 պատվաստանյութի կիրառումը, հայտնել է ընկերությունը։

«Moderna, Inc.-ն այսօր հայտարարել է, որ FDA-ն հաստատել է mNEXSPIKE (mRNA-1283) նոր COVID-19 պատվաստանյութը՝ 65 տարեկան և բարձր բոլոր մեծահասակների համար», – ասվում է ընկերության պաշտոնական կայքում տեղադրված հայտարարության մեջ։

Moderna-ն հավելել է, որ պատվաստանյութը կարող են օգտագործել նաև 12-64 տարեկան անձինք, ովքեր ունեն առնվազն մեկ կամ մի քանի հիմնական ռիսկի գործոններ, ինչպես սահմանված է ԱՄՆ Հիվանդությունների վերահսկման և կանխարգելման կենտրոնների կողմից։ Պատվաստանյութը նախատեսված է այն անձանց համար, ովքեր նախկինում պատվաստվել են վիրուսի դեմ։

–00—ՅՄ