ԵՐԵՎԱՆ, ՄԱՅԻՍԻ 19, 24News

ԱՄՆ նախագահ Դոնալդ Թրամփը մեկնաբանել է ՌԴ նախագահ Վլադիմիր Պուտինի հետ բանակցությունները և պատերազմը դադարեցնելու հեռանկարները․

«Քիչ առաջ ավարտեցի երկժամյա զրույցը Ռուսաստանի նախագահ Վլադիմիր Պուտինի հետ։  Կարծում եմ, որ այն շատ լավ անցավ։  Ռուսաստանն ու Ուկրաինան անմիջապես բանակցություններ կսկսեն կրակի դադարեցման շուրջ և, որ ավելի կարևոր է, պատերազմի ամբողջական ավարտի շուրջ։  Պայմանները կհամաձայնեցվեն երկու կողմերի միջև, ինչպես և պետք է լինի, քանի որ միայն նրանք գիտեն բանակցային գործընթացի մանրամասները, որոնք հասանելի չեն որևէ մեկին: Զրույցը հիանալի էր։ Եթե դա այդպես չլիներ, ես դա կասեի հենց հիմա, ոչ թե ավելի ուշ:

Ռուսաստանը ցանկանում է մեծածավալ առեւտուր ծավալել ԱՄՆ-ի հետ, եւ ես աջակցում եմ այդ գաղափարին։  Ռուսաստանը հսկայական հնարավորություններ ունի աշխատատեղեր ստեղծելու և բարեկեցության համար։ Ներուժն անսահման է։  Ուկրաինան կարող է նաև առևտրային հարաբերությունների խոշոր շահառու դառնալ իր երկրի վերականգնման գործընթացում։

Ռուսաստանի և Ուկրաինայի միջև բանակցությունները կսկսվեն անմիջապես։ Ես այդ մասին տեղեկացրել եմ Ուկրաինայի նախագահ Վլադիմիր Զելենսկուն, Եվրահանձնաժողովի նախագահ Ուրսուլա ֆոն դեր Լյայենին, Ֆրանսիայի նախագահ Էմանուել Մակրոնին, Իտալիայի վարչապետ Ջորջա Մելոնիին, Գերմանիայի կանցլեր Ֆրիդրիխ Մերցին և Ֆինլանդիայի նախագահ Ալեքսանդր Ստուբբին նախագահ Պուտինի հետ զրույցից անմիջապես հետո կայացած հեռախոսազրույցի ժամանակ։

Վատիկանը, Հռոմի պապի խոսքով, մեծ շահագրգռվածություն ունի այդ բանակցություններն իր տարածքում անցկացնելու հարցում:

Թող սկսվի գործընթացը»,- գրել է նա՝ սոցկայքում։

–00—ՍՊ