ԵՐԵՎԱՆ, ՄԱՅԻՍԻ 11, 24News

Ուկրաինան պատրաստ է Ռուսաստանի հետ ուղիղ բանակցությունների հրադադարից հետո։ Ահա, թե ինչպես է Ուկրաինայի նախագահ Վլադիմիր Զելենսկին արձագանքել Ռուսաստանի հետ բանակցություններ վարելու առաջարկին։

«Մենք սպասում ենք, որ Ռուսաստանը կհաստատի հրադադարը՝ լիակատար, երկարաժամկետ և հուսալի՝ սկսած վաղը՝ մայիսի 12-ից, և Ուկրաինան պատրաստ կլինի հանդիպման», – նշել է նա։

Հիշեցնենք՝ մայիսի 11-ի երեկոյան ելույթի ժամանակ ՌԴ նախագահ Վլադիմիր Պուտինը առաջարկել է Ուկրաինային վերսկսել ուղիղ բանակցությունները, որոնք ընդհատվել էին 2022 թվականի գարնանը: Պետության ղեկավարի խոսքով՝ Կիևի պատվիրակությունը դադարեցրել է մասնակցել խորհրդակցություններին և մերժել է համաձայնագրի նախագիծը: Ռուսական կողմի պնդմամբ՝ սա տեղի է ունեցել արևմտյան գործընկերների ճնշման տակ։

Պուտինը խոսել է Ռուսաստանի լուրջ մտադրությունների մասին՝ բանակցելու Ուկրաինայի հետ։ Նախագահը շեշտել է, որ իրենց գլխավոր նպատակն է վերացնել հակամարտության արմատական ​​պատճառները և հաստատել երկարաժամկետ խաղաղություն «պատմական հեռանկարում»։

–00—ՅՄ