ԵՐԵՎԱՆ, ՄԱՅԻՍԻ 10, 24News

ԱՄՆ նախագահ Դոնալդ Թրամփի հատուկ բանագնաց Սթիվ Ուիթքոֆը մտադիր է ՌԴ նախագահ Վլադիմիր Պուտինին փոխանցել Ուկրաինայի իրադրության կարգավորման վերաբերյալ 22 առաջարկներից բաղկացած ցանկ, հաղորդում է NBC-ն:

Փաստաթուղթը ներառում է 30-օրյա հրադադարի առաջարկ, ինչպես նաև բավարարում է Պուտինի պահանջն այն մասին, որ ԱՄՆ-ը չի աջակցի Ուկրաինայի անդամակցությանը ՆԱՏՕ-ին։

Թե կոնկրետ երբ Ուիթքոֆը ծրագիրը կներկայացնի Ռուսաստանի նախագահին, NBC-ն չի հայտնում։