ԵՐԵՎԱՆ, ՄԱՅԻՍԻ 7, 24News

Սերբիայի նախագահ Ալեքսանդր Վուչիչի ինքնաթիռը Բաքվից թռչել է Մոսկվա։ ԱՊԱ-ի մոսկովյան բյուրոյի տվյալներով՝ այս մասին տեղեկատվությունը տարածել են ռուսական լրատվամիջոցները։

ՏԱՍՍ գործակալությունը հայտնել է, որ Վուչիչի ինքնաթիռը վայրէջք է կատարել Բաքվում՝ լիցքավորվելու համար։

Սերբիայի նախագահ Ալեքսանդր Վուչիչի Մոսկվա ուղևորվող ինքնաթիռը հարկադիր վայրէջք է կատարել Բաքվում, այս մասին հայտնել են սերբական լրատվամիջոցները։

Վուչիչի ինքնաթիռը արտակարգ վայրէջք է կատարել Ադրբեջանում՝ Ուկրաինայում պատերազմի և Ռուսաստանի օդային տարածքում ռազմական գործողությունների պատճառով։

Վուչիչը մեկնում է Ռուսաստանի մայրաքաղաք՝ մասնակցելու մայիսի 9-ին Կարմիր հրապարակում Հաղթանակի 80-ամյակին նվիրված զորահանդեսին։

–00—ՅՄ