ԵՐԵՎԱՆ, ՄԱՅԻՍԻ 3, 24News

Ռուսաստանի Անվտանգության խորհրդի փոխնախագահ Դմիտրի Մեդվեդևը իր Telegram ալիքում հայտարարել է՝ եթե Հայրենական Մեծ պատերազմում Հաղթանակի օրը Ուկրաինայի կողմից  սադրանք  լինի, ապա ոչ ոք չի կարող երաշխավորել, որ Կիևում  մայիսի 10-ին լույսը կբացվի, և Կիևի ռեժիմի առաջնորդ Վլադիմիր Զելենսկին դա հասկանում է։

«Զելենսկին հասկանում է, որ Հաղթանակի օրը իրական սադրանքի դեպքում ոչ ոք չի կարող երաշխավորել, որ մայիսի 10-ին Կիևում լույսը կբացվի»,- գրել է Մեդվեդևը։

Նշենք, որ Զելենսկին մերժել է Հաղթանակի 80-ամյակի ընթացքում հրադադարի մասին Ռուսաստանի առաջարկը՝ նշելով, որ Կիևը չի կարող երաշխավորել մայիսի 9-ի շքերթին Մոսկվա ժամանող օտարերկրյա հյուրերի անվտանգությունը, ավելի վաղ հաղորդել էր Agence France-Presse-ը, որի թղթակիցը լրագրողների խմբի մեջ էր, որը լսել էր Կիևի ռեժիմի ղեկավարի այս հայտարարությունը։

–00—ՅՄ