Խաղաղության գործարքը պետք է կնքվի Ուկրաինայի, այլ ոչ թե ԱՄՆ-ի հետ, հայտարարել են Կրեմլում։ Այժմ, ինչպես նշել է ՌԴ նախագահի մամուլի քարտուղար Դմիտրի Պեսկովը, Ռուսաստանի իշխանություններն Ուկրաինայից ուղիղ բանակցություններ սկսելու պատասխան են սպասում։

Նա ասել է, որ ռուսական կողմը երախտապարտ է պետություններին բանակցային գործընթացում գործադրած ջանքերի համար, և դրանք պետք է արդյունք տան:

Դմիտրի Պեսկովի խոսքով՝ Վաշինգտոնը ցանկանում է արագ առաջընթացի հասնել ռուս-ուկրաինական հակամարտության կարգավորման հարցում, սակայն դա բարդ գործընթաց է․ «Ուկրաինական ճգնաժամի կարգավորումը չափազանց բարդ գործընթաց է, կան բազմաթիվ հարցեր և մանրամասներ, որոնք պետք է լուծվեն կարգավորումից առաջ»,- ասել է նա։ 

–00—ՍՊ