ԵՐԵՎԱՆ, ԱՊՐԻԼԻ 27, 24News

Ամերիկացի օրենսդիրները պատրաստ են համաձայնության գալ Ռուսաստանի դեմ նոր պատժամիջոցների շուրջ, այս մասին հայտարարել է հանրապետական ​​սենատոր Լինդսի Գրեհեմը X սոցիալական ցանցում։

Նա ասել է, որ ներկայացրել է երկկուսակցական օրինագիծ՝ «Պուտինի Ռուսաստանի դեմ» նոր պատժամիջոցների վերաբերյալ։ Փաստաթուղթն արդեն ունի գրեթե 60 համահեղինակ։ Գրեհեմը նշել է, որ խոսքը վերաբերում է երկրորդական մաքսատուրքեր սահմանելուն ցանկացած երկրի նկատմամբ, որը գնում է ռուսական նավթ, գազ, ուրան կամ այլ ապրանքներ։

«Սենատը պատրաստ է շարժվել այս ուղղությամբ և կանի դա ճնշող մեծամասնությամբ, եթե Ռուսաստանը չընդունի պատվավոր, արդար և երկարատև խաղաղություն», – ընդգծել է սենատորը։

–00—ՅՄ