ԵՐԵՎԱՆ, ԱՊՐԻԼԻ 26, 24News

Միացյալ Նահանգների նախագահ Դոնալդ Թրամփը Հռոմ կատարած այցի ընթացքում նախատեսում է բանակցել Իտալիայի վարչապետ Ջորջիա Մելոնիի հետ և հանդիպել Մեծ Բրիտանիայի վարչապետ Քիր Սթարմերին ու Ուկրաինայի նախագահ Վոլոդիմիր Զելենսկիի հետ։ «Արմենպրես»-ի հաղորդմամբ՝ այս մասին հայտնում է La Repubblica-ն։

«Դոնալդ Թրամփը մտադիր է խոսել Իտալիայի վարչապետի հետ, հանդիպել Զելենսկիի և Սթարմերի հետ», – նշում է աղբյուրը։

ԱՄՆ նախագահ Դոնալդ Թրամփն արդեն իսկ ժամանել է Իտալիայի մայրաքաղաք Հռոմ՝ մասնակցելու Հռոմի Ֆրանցիսկոս պապի հուղարկավորությանը։

Հռոմի Ֆրանցիսկոս պապի հրաժեշտի արարողությանն են ժամանել նաև այլ երկրների ղեկավարներ, այդ թվում՝ Հայաստանի նախագահ Վահագն Խաչատուրյանն ու Վրաստանի նախագահ Միխեիլ Կավելաշվիլին։

–00—ՅՄ