ԵՐԵՎԱՆ, ՄԱՅԻՍԻ 21, 24News

Հայաստանի Հանրապետությունը Եվրամիությանն անդամակցության հայտ չի ներկայացրել։ Այս մասին հայտարարել է Հայաստանի արտաքին գործերի նախարար Արարատ Միրզոյանը՝ Ռուսաստանի արտաքին գործերի նախարար Սերգեյ Լավրովի հետ համատեղ մամուլի ասուլիսի ընթացքում։

«Հայաստանի Հանրապետությունը Եվրամիությանն անդամակցության հայտ չի ներկայացրել, այդ ուղղությամբ բանակցություններ չեն ընթանում, և, ըստ այդմ, հարցը, որ կարող էր ծագել այս ուղղությամբ, տեղին չի», – ասել է Միրզոյանը՝ պատասխանելով լրագրողի հարցին ԵՄ-ին և ԵԱՏՄ-ին միաժամանակ անդամ լինելու հնարավորության վերաբերյալ։

–00–ԱՀ