ԵՐԵՎԱՆ, ՄԱՅԻՍԻ 3, 24News

 Առաջին փորձի ժամանակ մեր երիտասարդները տիկնոջը փորձել են ճանապարհել խաղաղ կերպով, սակայն կինը չի հանգստացել, կամ իր արժանավոր որդու հորդորով վերադարձել է երեկոյան ժամին՝ այս անգամ ձեռնափայտով, և հայհոյանքներով սպառնացել։ Այս մասին ամենշաբաթյա ուղերձի ժամանակ ասաց «Սրբազան պայքար» շարժման առաջնորդ Բագրատ Սրբազանը՝ անդրադառնալով իր աջակիցների կազմակերպած ակցիայի ժամանակ ՔՊ-ական պատգամավոր Վահագն Ալեքսանյանի մոր պահվածքին։

«Ես հիացած եմ մեր երիտասարդների վարքագծով, որ մինչև վերջ կարողացել են պարկեշտություն դրսևորել, իմանալով՝ այդ կնոջ և իր որդու վարքագծի մասին»,- հավելեց Սրբազանը։

Հիշեցնենք, որ Բագրատ արքեպիսկոպոս Գալստանյանի աջակիցների «Չեմ վստահում Նիկոլ Փաշինյանի իշխանությանը» կարգախոսով    ակցիայի ժամանակ ՔՊ-ական պատգամավոր Վահագն Ալեքսանյանի մայրը մասնակիցների հետ վեճի էր բռնկվել և վիրավորանքներ հասցրել նրանց հասցեին։

Մանրամասները՝ տեսանյութում։

–00–ԱՀ