ԵՐԵՎԱՆ, ՍԵՊՏԵՄԲԵՐԻ 14, 24News

Ռուսաստանի գործող չեմպիոն «Կրասնոդարը» անդրադարձել է թիմի և Հայաստանի ազգային հավաքականի կիսապաշտպան Էդուարդ Սպերցյանի արդյունավետ խաղին 2025/26 մրցաշրջանի մեկնարկում։

«Մեր ավագը հզոր մեկնարկ է տվել մրցաշրջանին։ Էդուարդ Սպերցյանը կատարել է իր 9-րդ գոլային փոխանցումը ՌՊԼ-ում, ինչը լավագույն ցուցանիշն է լիգայում։

Կայացած 8 տուրերում Էդոն միայն մեկ անգամ է խաղը ավարտել առանց արդյունավետ գործողության։

Սպերցյանը «գոլ + գոլային փոխանցում» համակարգով հավաքել է 85 միավոր և այս ցուցանիշով զբաղեցնում է 3-րդ տեղը ակումբի պատմության մեջ։

Ընթացիկ մրցաշրջանում Սպերցյանը «ցուլերի» կազմում մասնակցել է 12 հանդիպման՝ դառնալով 5 գոլի և 9 գոլային փոխանցման հեղինակ։ Transfermarkt-ը հայ կիսապաշտպանի տրանսֆերային արժեքը գնահատում է 25 միլիոն եվրո։

Աղբյուրը՝ Armsport.am:

–00—ՅՄ