ԵՐԵՎԱՆ, ՍԵՊՏԵՄԲԵՐԻ 3, 24News

ՀՖՖ-ից հայտնում են , որ «Հանրապետական» մարզադաշտը պատրաստ է ընդունել Պորտուգալիայի և Իռլանդիայի հավաքակններին։ Հրապարակված ռեպորտաժում ներկայացվում է մարզադաշտի խոտածածկույթի վերականգնման գործընթացը, որը վնասվել էր հայտնի երգչուհի Ջենիֆեր Լոպեսի երևանյան համերգից հետո։

Նշենք, որ սեպտեմբերի 6-ին հավաքականը Վազգեն Սարգսյանի անվան «Հանրապետական» մարզադաշտում կընդունի Պորտուգալիային։ Հանդիպման մեկնարկը՝ ժամը 20։00-ին (Երևանի ժամանակով)։

Սեպտեմբերի 9-ին ազգային ընտրանին կրկին Վազգեն Սարգսյանի անվան «Հանրապետական» մարզադաշտում կընդունի Իռլանդիային։ Հանդիպման մեկնարկը՝ ժամը 20։00-ին (Երևանի ժամանակով)։